| admin |
2012-09-01 02:59 |
对，仲有48小时，我就大三了。
大二做咗d么？
系我一生人最忙碌嘅时候：留任红会，留任网管。到咗大三，我依然留任。
家教：成个大二，我几乎日日都家教。今年终于拿自己嘅钱交学费了。虽然好心痛，但系自己钱用得就系洒脱...
四六级竟然接近3/4裸考都飘过晒：四级444，六级438。慢慢刷分，哈哈。
报咗英语辅修：发觉去打酱油多d，不过都好认真学，自己比钱点可以唔认真= =广金嘅你哋就系我学落去嘅动力！
睇日剧无数。尤其今年春季日剧= =legal high，青蛙公主，ATARU...
学日语：上课都系度学，上班都系度学，呢个必须要继续坚持。Ursh。
江门社工站实习一个月。终于俾我体会到真正嘅社工工作。多谢你哋咁多位，搞到我日日系社工站都咁开心。寒假见！
香港两岸四地研讨会。真心见识到人地嘅社工系几发达。我哋第一组“一级棒！”...
厦门游。人生可谓最后一个暑假，点知俾厦门坑了。不过都度过咗美好嘅4日。下年同样时间记得参团了！两位亲...
成绩...真心唔想提。上学期仲好，呢个学期d老师都唔知系未开挂的= =
And...打咗n铺三国杀，参与n次院级活动，行咗n次街，聚过n次会，唱过n次k，打过n次麻将，hea过n次，去过n次邑大广金...
亦都...笑过n次，开心过n次，忧郁过n次，烦恼过n次，愁过n次，愤怒过n次。五味杂陈。
大三要...？
准备公务员考试。买晒书唔到我唔做了。哈哈哈。
专业课要认真学了。= =唔可以上课瞓觉，玩手机。= =日日朝早都系满课都唔知点解咁坑爹...
坚持我嘅英语辅修学位。我会继续去广金黐餐咖。well！
做好红会会长工作。做事真系要更加上心。
继续学日语。要为睇得明字幕而奋斗！
家教？想搵一份~求介绍。最好日日都做嘅。wow！
旅游！就算点无钱，都要去！人真系唔好一世屈膝一个小地方，要多d出去见识见识。下一站系...？
最后梗系：Keep contacting with my best frd！多谢你哋一路以嚟嘅包容。
大三见！以上。
Kenny Leung
2012年9月1日 02:33:05 Done |
|